філіял па Брэсцкай вобласці
ВАЖНА! З 30 чэрвеня 2023 г.
Аб тэрмінах дзеяння дагавораў страхавання "Зялёная карта"
У адпаведнасці з лістом Савета Бюро сістэмы "Зялёная карта" ад 13 чэрвеня 2023 г. рашэннем Генеральнай Асамблеі Савета Бюро сістэмы "Зялёная карта" членства Расійскай Федэрацыі і Рэспублікі Беларусь прыпынена з 30 чэрвеня 2023 года на нявызначаны тэрмін.
З улікам устаноўленага Унутранымі Палажэннямі сістэмы "Зялёная карта" мінімальнага тэрміну дзеяння страхавых сертыфікатаў "Зялёная карта" ў пятнаццаць дзён, страхавыя сертыфікаты "Зялёная карта" з тэрыторыяй дзеяння краін, якія не ўваходзяць у ЕЭЗ, не павінны выдавацца пасля 15 чэрвеня 2023 г. Страхавыя сертыфікаты «Зялёная карта» з тэрыторыяй дзеяння краін, якія не ўваходзяць у ЕЭЗ, тэрмін дзеяння якіх перавышае 29 чэрвеня 2023 г., лічацца сапраўднымі толькі да 29 чэрвеня 2023 г. 23.59 па цэнтральна-еўрапейскім часе.
У той жа час, улічваючы наяўнасць двухбаковых пагадненняў, падпісаных Беларускім бюро па транспартным страхаванні з Расійскім Саюзам Аўтастрахоўшчыкаў, Бюро абавязковага страхавання Азербайджана і Турэцкім бюро аўтастрахавання, інфармуем аб наступным:
- 15 чэрвеня 2023 г. у 23.59 страхавыя арганізацыі спыняюць заключэнне дагавораў страхавання "Зялёная карта" адносна транспартных сродкаў, якія выязджаюць у краіны, якія не ўваходзяць у ЕЭЗ, за выключэннем Расійскай Федэрацыі, Азербайджанскай Рэспублікі і Турэцкай Рэспублікі.
Прэтэнзіі пацярпелых у дарожна-транспартных здарэннях, якія адбыліся да 30 чэрвеня 2023 г., падлягаюць урэгуляванню ў стандартным парадку;
- 29 чэрвеня 2023 г. у 23.59 страхавыя арганізацыі спыняюць заключэнне дагавораў страхавання "Зялёная карта" адносна транспартных сродкаў, якія выязджаюць у Расійскую Федэрацыю, Азербайджанскую Рэспубліку і Турэцкую Рэспубліку;
- дагаворы страхавання "Зялёная карта", заключаныя да 30 чэрвеня 2023 г. у дачыненні да транспартных сродкаў, зарэгістраваных у Рэспубліцы Беларусь з тэрыторыяй дзеяння Расійскай Федэрацыі, Азербайджанскай Рэспублікі і Турэцкай Рэспублікі, будуць лічыцца дзейнымі да заканчэння ўказанага ў іх тэрміну дзеяння, але не пазней 28 чэрвеня 2024 г. і рэгуляванне страхавых выпадкаў па такіх дагаворах павінна ажыццяўляцца згодна з Унутраным Палажэнням сістэмы «Зялёная карта».
